“Bandotdel”dən xüsusi əməliyyat: Keçmiş müstəntiq, məhkəmə sədrinin qaynı olan vəkil həbs edildi
11 saylı Vəkil Bürosunun üzvü İlqar Həmidovun həbs olunduğu barədə məlumatlar yayılıb. Təcrübəli vəkil ağır dələduzluq əməllərində ittiham olunur.
Minval.info xəbər verir ki, vətəndaşların daxil olan çoxsaylı şikayətləri əsasında Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi (“Bandotdel”) tərəfindən xüsusi əməliyyat keçirilib. Əməliyyatçılar İ.Həmidovu elə çalışdığı vəkillik bürosundan götürüblər.
Toplanmış sübutlar əsasında vəkilə qarşı Cinayət Məcəlləsinin 178.2.2 və 178.2.4-cü (təkrarən və xeyli miqdarda ziyan vurmaqla törədilən dələduzluq) maddələri ilə rəsmi ittiham elan edilib. Nərimanov Rayon Məhkəməsinin qərarı ilə onun barəsində 3 aylıq həbs qətimkan tədbiri seçilib.
Sabiq müstəntiq və məhkəmə sədrinin qaynı…
Əvvəllər Bakının müxtəlif rayon polis idarələrində müstəntiq kimi işləmiş İ.Həmidovun həbsi hüquq mühafizə dairələrində təəccüblə qarşılanıb.
Araşdırmalar zamanı bəlli olub ki, həbs edilən vəkilin bir çox yaxın qohumu hüquq-mühafizə və məhkəmə sistemində rəhbər vəzifələrdə çalışır. Onun qaynı Samir Məmmədov hazırda Quba Rayon Məhkəməsinin sədri vəzifəsini icra edir.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Kamran Seyidovun qətl hadisəsi: qısqanclıq yox, tamah motivi
Ağcabədidə narkotik əməliyyatı: 8 kiloqram narkotik götürüldü
TikTok reklamları ilə aldatdı: daşınmaz əmlak dələduzuna 8 il həbs
Dələduzluq əməliyyatı: 7 nəfər saxlanıldı
Telefon ekranındakı yaşıl və narıncı nöqtələr nədir?
Keçmiş icra başçısının əmlakı satışa çıxarıldı
Milyonluq dələduzluq: Məhkəmədə yeni iddialar
