Gül bağçasında dəhşət: Ərini basdıran qadın 12 il cəza aldı

Bakı Ağır Cinayətlər Məhkəməsində ərini öldürməkdə ittiham olunan Elmira Əliyevanın məhkəmə prosesi yekunlaşıb. Məhkəmə kollegiyasının sədri Səbinə Məmmədzadənin rəhbərliyi ilə keçirilən iclasda hökm oxunub və Elmira Əliyeva 12 il müddətinə azadlıqdan məhrum edilib.

Minval.info xəbər verir ki, hadisə 2024-cü ildə baş verib. Elmira Əliyeva həyat yoldaşı Samiri öldürərək meyitini həyətdə basdırıb və üzərinə gül əkib. Polis tərəfindən aparılan araşdırmalar nəticəsində Samirin itkin düşdüyü bildirilsə də, onun həyat yoldaşı tərəfindən qətlə yetirildiyi müəyyən edilib.