Göbələklər diabetlə mübarizədə yeni ümid: Alimlərdən maraqlı açıqlama

Alimlər, 2-ci tip şəkərli diabetin qarşısının alınması və müalicəsində müalicəvi göbələklərin faydalı ola biləcəyini açıqlayıblar.

Minval.info xəbər verir ki, “Frontiers in Nutrition” jurnalında dərc olunan məqaləyə əsasən, bu göbələklərin tərkibində beta-qlükanlar, polisaxaridlər, triterpenoidlər, fenol birləşmələri və antioksidantlar kimi bioloji aktiv maddələr mövcuddur.

Araşdırmalar göstərir ki, bu maddələr toxumaların insulinə həssaslığını artıraraq qanda şəkərin səviyyəsini azalda, yağ mübadiləsini tənzimləyə və iltihab, oksidləşdirici stressi azalda bilər. Həmçinin, bu göbələklərin bağırsaq mikroflorasına müsbət təsir göstərə biləcəyi də qeyd olunur.

ƏLAQƏLİ

Bunu da oxu

İçərişəhərdə tarixi divarların yeni siması: Yazılar təmizləndi, abidələr qorundu

11.08.2026 - 18:16

Bununla belə, alimlər bu məhsulların diabetin tam müalicəsi üçün istifadə edilməsinin hələ tez olduğunu bildirirlər. Onların effektivliyini və təhlükəsizliyini dəqiq müəyyənləşdirmək üçün daha genişmiqyaslı klinik sınaqlara ehtiyac var.