Gəncədə əməliyyat - iki məmur saxlanılıb

Baş Prokurorluq Gəncə şəhərində keçirilən əməliyyata münasibət bildirib.

Baş Prokurorluğun Mətbuat Xidmətindən “Minval”a verilən məlumata görə, Baş Prokuror yanında Korrupsiyaya Qarşı Mübarizə Baş İdarəsi tərəfindən Gəncə şəhər İcra Hakimiyyətində işləmiş vəzifəli şəxslərlə bağlı əməliyyat keçirilməsi ilə əlaqədar ictimaiyyətə yaxın vaxtlarda ətraflı rəsmi məlumat veriləcək.

Musavat.com-un əldə etdiyi informasiyaya görə, sabiq başçı Elmar Vəliyevə yaxınlığı ilə seçilən iki məmur saxlanılıb. Bildirilir ki, keçirilən əməliyyat nəticəsində saxlanılanlar Elmar Vəliyevin icra başçısı olduğu dönəmdə Memarlıq və Şəhərsalma İdarəsinin rəisi işləmiş Məharət Mustafayev və Əli Rüstəmlidir.