Finlandiyada vətəndaşlıq üçün yeni qaydalar: İmtahan necə olacaq?

Finlandiya, vətəndaşlıq almaq istəyənlər üçün yeni bir imtahan tətbiq etməyə hazırlaşır. Bu imtahan, müraciət edənlərin Finlandiya cəmiyyətinin işləmə prinsipləri haqqında biliklərini yoxlayacaq.

Minval.info xəbər verir ki, Finlandiyanın miqrasiya xidməti tərəfindən verilən məlumata görə, 2 mart 2027-ci ildən etibarən vətəndaşlıq üçün müraciət edən hər kəs bu imtahandan keçməli olacaq. Lakin, bu tarixdən əvvəl müraciət edənlər imtahan tələbindən azad ediləcəklər.