FİFA buna görə AFFA-nı cərimələdi - Foto
FİFA-nın İntizam Komitəsi AFFA-nı cərimələyib.
Minval.info qurumun rəsmi saytına istinadən xəbər verir ki, buna Azərbaycan millisinin DÇ-2022-nin seçmə mərhələsi çərçivəsində Portuqaliyaya qarşı keçirdiyi oyun zamanı təhlükəsizlik qaydalarının pozulması səbəb olub.
Meydana daxil olan azarkeşlər milli assosiasiyanı 5000 İsveçrə frankı (təqribən 9269 AZN) məbləğində ziyana salıb.
Xatırladaq ki, sentyabrın 7-də Bakı Olimpiya Stadionunda keçirilən və qonaqların 3:0 hesablı qələbəsi ilə başa çatmış qarşılaşmanın sonlarına yaxın 4 azarkeş meydana girərək, Portuqaliya yığmasının yarımmüdafiəçisi Bruno Fernandeslə şəkil çəkdiriblər. Bundan başqa, matçın final fitindən sonra da meydana bir neçə azarkeş daxil olmuşdu.
FİFA-nın İntizam Komitəsi Serbiya Futbol İttifaqını da 35 000 İsveçrə frankı (64 883 AZN) məbləğində cərimələyib. Buna Serbiya millisinin evdə Lüksemburq və Azərbaycan yığmalarına qarşı keçirdiyi seçmə mərhələ oyunlarında yerli azarkeşlərin təhqiramiz şüarlar səsləndirməsi səbəb olub.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Yamal: "Qələbə qolunun əsasını mən qoydum
Messi İspaniya klubunu almağa hazırlaşır
Barselonanın qapıçısı Qarsiya 3 həftəlik sıradan çıxdı
Messi MLS-də 100-cü qolunu vurdu!
Avropa Liqasında nəhənglərin mübarizə gecəsi!
Kiyevə hücum: Bir ölü, on bir yaralı
Alkoqol sonrası yaddaş itkisi: Səbəbləri nədir?
