FES faiz artımı: ABŞ iqtisadiyyatı sarsılır?

ABŞ Federal Ehtiyat Sistemi (FES) tərəfindən faiz dərəcələrinin artırılması ehtimalı, ölkənin iqtisadiyyatında ciddi təsirlərə səbəb ola bilər. “Macro Risk Advisors” şirkətinin rəhbəri Dean Curnutt, bu artımın “S&P 500” indeksində 8-10% arasında geriləməyə yol aça biləcəyini qeyd edib.

Minval.info xəbər verir ki, Curnutt, faiz artımının şirkətlərin mənfəət marjalarına təzyiq göstərəcəyini və bazarda gözlənilməz dalğalanmalar yaradacağını vurğulayıb. O, hazırkı bazar vəziyyətini 2018-ci ilə bənzədərək, həmin il “S&P 500” indeksinin sentyabr ayında zirvəyə çatdıqdan sonra oktyabr və noyabr aylarında 10% gerilədiyini xatırladıb.

FES-in çərşənbə günü faiz dərəcələrini artıracağı ehtimalı bazarlar tərəfindən artıq demək olar ki, tam qiymətləndirilib. Bu qərarın iqtisadiyyat üzərindəki təsirləri diqqətlə izlənilməkdədir.