SON DƏQİQƏDonald Tramp geri çəkildi, Tehran zərbələri dayandırdı — ABŞ-la İran arasında kritik GƏRGİNLİK

Birləşmiş Ştatların İrana qarşı intensiv hərbi əməliyyatları qəfil dayandırmasından sonra Tehran da regional addımlarını məhdudlaşdırmaq qərarına gəlib. Vaşinqtonun hücumları dondurmasına reaksiya olaraq, İran tərəfi də Fars körfəzi ölkələrinə yönələn zərbələri müvəqqəti olaraq dayandırıb.

Minval.info xəbər verir ki, bu barədə İran ordusunun rəsmi nümayəndəsi Məhəmməd Əkrəminiya xüsusi bəyanatla çıxış edib. O, ölkəsinin hazırkı hərbi taktikasına aydınlıq gətirərək bildirib:

“Bizim strategiyamız mahiyyətcə sırf cavab xarakteri daşıyır. Məhz bu səbəbdən də qarşı tərəf hücumları kəsdiyi üçün biz də cavab əməliyyatlarımızı müvəqqəti olaraq dondurduq”.

Ordu rəsmisi eyni zamanda Ağ Evin yürütdüyü xarici siyasəti tənqid edərək, ABŞ-nin hazırkı strategiyasının hətta onların öz rəsmi şəxsləri üçün də tamamilə qeyri-müəyyən və anlaşılan olmadığını iddia edib. Onun sözlərinə görə, bu çaşqınlıq amerikalı nümayəndələrin, xüsusən də ABŞ prezidentinin bəyanatlarından, eləcə də ABŞ Mərkəzi Komandanlığının (CENTCOM) atdığı xaotik addımlardan aydın şəkildə boy göstərir.

Qeyd edək ki, iki həftə ərzində regionda davam edən müntəzəm və dağıdıcı zərbələrdən sonra ABŞ artıq iki gecədir İran ərazisinə heç bir hücum təşkil etmir. Bunun məntiqi nəticəsi olaraq, bazar günü İran ordusu da Fars körfəzi ölkələrinə qarşı hər hansı bir hərbi zərbə endirməkdən daşınıb.

Digər tərəfindən, nüfuzlu “The New York Times” qəzetinin yaydığı məxfi məlumatlar da regiondakı sakitliyin pərdəarxası məqamlarına işıq salır. Belə ki, ABŞ prezidenti Donald Trampın hava hücumundan müdafiə raketlərinin ehtiyatlarının sürətlə tükənməsindən ciddi şəkildə ehtiyat etdiyi və bu səbəbdən İrana qarşı hərbi əməliyyatların miqyasını genişləndirməyi təxirə saldığı bildirilir.