Laos hökuməti ölkə ərazisində kriptovalyutaların hasilatı və ticarətinə icazə verib.

Minval.info oxu.az-a istinadən bildirir ki, rəqəmsal pulların tətbiqi sınaq xarakteri daşıyır və yalnız altı şirkəti əhatə edir.

Bunlardan dördü tikinti şirkəti, digərləri isə JDB dövlət bankı və IT-şirkətidir.

Hazırda Laosda kriptovalyutaların tətbiqi qaydalarının hazırlanması üzərində iş gedir. Sənədin sentyabrın 16-17-də müzakirəyə çıxarılacağı bildirilir.

Qeyd edək ki, bir müddət öncə, Salvador hakimiyyəti ölkədə kriptovalyutaları tam olaraq leqallaşdırıb.