“Dağıntı altında qalmış zərərçəkmişlərin xilas edilməsi” təlimi keçirildi

Fövqəladə Hallar Nazirliyinin Muğan Regional Mərkəzinin təşəbbüsü ilə Salyan şəhərində yerləşən, hazırda fəaliyyətdə olmayan istehsalat müəssisəsində “Dağıntı altında qalmış zərərçəkmişlərin xilas edilməsi” mövzusunda təlim təşkil olunub. Bu barədə Publika.az-a Fövqəladə Hallar Nazirliyinin Mətbuat xidmətindən məlumat verilib.

Təlimdə FHN Muğan Regional Mərkəzinin və TƏBİB-in tabeliyindəki Salyan rayon Təcili və Təxirəsalınmaz Tibbi Yardım Stansiyasının əməkdaşları iştirak ediblər. Təlimin əsas məqsədi xilasedicilərin fövqəladə hallar zamanı axtarış-xilasetmə bacarıqlarını daha da inkişaf etdirmək olub.

Təlim zamanı şərti fövqəladə hal nəticəsində obyektin ərazisində “köməksiz vəziyyətdə qalmış zərərçəkmişlər” xüsusi vasitələrlə “xilas edilərək” onlara “ilkin yardım” göstərilib.

ƏLAQƏLİ

Bunu da oxu

Rusiyada "Yandex" data mərkəzinə PUA hücumu olub

11.10.2026 - 11:24

Təlimin uğurla tamamlanmasından sonra əldə edilən nəticələr müzakirə edilib və müvafiq tapşırıqlar verilib.