İngiltərədə kaplan kafesinə girən şəxs həyatını itirdi

İngiltərənin Donkaster şəhəri yaxınlığında yerləşən Yorkshire Vəhşi Həyat Parkında faciəvi hadisə baş verib. 20 yaşlarında olduğu güman edilən bir şəxs kaplan barınağının hasarını aşaraq içəri girib. Görgü şahidlərinin sözlərinə görə, həmin şəxs çiti aşan kimi “təlaş” içində olub və kaplan onu “boğazından tutub”.

Minval.info xəbər verir ki, hadisə ilə bağlı internetdə yayılan videolarda, Altai adlı kaplanın həmin şəxsin ətrafında fırlandığı və sonra onu yerə sərərək “bez kukla” kimi silkələdiyi görünür. Şəxs hadisə zamanı “Xeyr, xeyr” deyə qışqırırdı. Videolarda, onun hadisədən əvvəl diz çökərək kollarını yanlara açdığı və dəfələrlə “Dayan” deyə bağırdığı diqqət çəkir.

The Mail on Sunday qəzetinə danışan bir şahid, şəxsin hasara dırmaşmazdan əvvəl “rəqs” edərək özünü motivasiya etməyə çalışdığını bildirib. Bu zaman ziyarətçilərin də kaplanın diqqətini yayındırmağa çalışaraq qışqırdığı eşidilib. Görüntülərdə bir qadının “Onu dayandırmağa çalışdım” dediyi də eşidilir.

ƏLAQƏLİ

Bunu da oxu

“Dağıntı altında qalmış zərərçəkmişlərin xilas edilməsi” təlimi keçirildi

11.10.2026 - 12:14

Hadisə yerinə gələn heyvanat bağı işçiləri, qazla işləyən akustik silahlarla kaplanı uzaqlaşdırmağa çalışıblar. Yorkshire Ambulans Xidməti iki yerüstü və bir hava ambulansı göndərib. Lakin bütün cəhdlərə baxmayaraq, şəxsin aldığı yaralar nəticəsində həyatını itirdiyi təsdiqlənib.

Güney Yorkshire Polisi, hadisə ilə bağlı araşdırmaların davam etdiyini və şəxsin ailəsinin məlumatlandırıldığını bildirib. Polis insanlardan hadisə ilə bağlı videoları paylaşmamalarını xahiş edib. Yetkililər, kaplanın zərər almadığını və kafesində qaldığını, ictimaiyyət üçün əlavə bir təhlükə olmadığını qeyd ediblər.