Rusiyada "Yandex" data mərkəzinə PUA hücumu olub

Baku.ws-ın məlumatına görə, Rusiyada “Yandex” şirkətinə məxsus data mərkəzi növbəti dəfə pilotsuz uçuş aparatının hücumuna məruz qalıb. Hücum nəticəsində şirkətin rəqəmsal xidmətlərində fasilələr yaranıb.

Şirkət, Vladimir vilayətində yerləşən data mərkəzinin infrastrukturunun ciddi şəkildə zədələndiyini və obyektin fəaliyyətinin tamamilə dayandırıldığını açıqlayıb. Bu hadisə “Yandex”in data mərkəzlərinə üçüncü hücum kimi qeyd edilir.

Məlumata görə, hücum sonrası Rusiyanın müxtəlif bölgələrində, xüsusilə Sibirdə “Yandex Go”, “Yandex Pay”, “Yandex Yeda”, “Yandex Pro”, “Alisa” və başqa xidmətlərdə problemlər yaşanıb.

ƏLAQƏLİ

Bunu da oxu

Qiyaməti xatırladan dəhşətli daşqın: onlarla bina bir anda yox oldu

11.10.2026 - 13:14

Vladimir vilayətinin qubernatoru Aleksandr Avdeyev hadisənin 5 min sakini elektrik enerjisi ilə təmin edən iki yarımstansiyanın sıradan çıxmasına səbəb olduğunu bildirib. O, elektrik təchizatının 80 faizinin, istilik və su təchizatının isə tam bərpa edildiyini qeyd edib.

Bundan əlavə, Ukrayna tərəfindən Rusiyanın Soçi şəhərinə də pilotsuz uçuş aparatları ilə zərbə endirildiyi və PUA qalıqlarının hava limanının ərazisinə düşdüyü bildirilib.