Çexiya Bakıda tramvay xətlərinin çəkilişində iştirak etmək istəyir

Baku.ws-ın məlumatına görə, Çexiya Bakının ictimai nəqliyyat sisteminin modernləşdirilməsində, xüsusən də tramvay şəbəkəsinin inkişafında iştirak etməyi planlaşdırır. Bu barədə Çexiyanın nəqliyyat naziri İvan Bednarik Azərbaycan-Çexiya Biznes Forumunda danışıb.

İvan Bednarik vurğulayıb ki, Azərbaycan strateji olaraq Avropa, Cənubi Qafqaz və Mərkəzi Asiya arasında əlaqələrin təmin edilməsində mühüm rol oynayır. Onun sözlərinə görə, Transxəzər Beynəlxalq Nəqliyyat Marşrutunun artan əhəmiyyəti iki ölkə arasında dialoqu daha da vacib edir.

Nazir əlavə edib ki, Çexiya şirkətləri dəmir yolu nəqliyyatı, siqnallaşdırma və telekommunikasiya, eləcə də şəhər mobilliyi sistemləri sahəsində təcrübəli həllər təklif etməyə hazırdır. Bu sahələrdə əməkdaşlıq, yalnız avadanlıqların tədarükü ilə məhdudlaşmır, həm də yerli kadrların hazırlanmasını və texnologiya transferini əhatə edir.

ƏLAQƏLİ

Bunu da oxu

Biləcəri-Yalama dəmir yolunun elektrikləşməsi 450 milyon dollara başa gələcək

12.10.2026 - 10:14

Çexiya hökuməti bu təşəbbüsləri dəstəkləmək üçün ixracın maliyyələşdirilməsi və əməkdaşlığın etibarlı hüquqi və maliyyə bazasının yaradılması istiqamətində kömək etməyə hazır olduğunu bildirib. Bu da uzunmüddətli tərəfdaşlığın formalaşmasına xidmət edəcək.