Heyvanlara işgəncəyə görə hansı cəzalar nəzərdə tutulur?

Baku.ws-ın məlumatına görə, oktyabrın 4-ü Ümumdünya Heyvanların Mühafizəsi Günü olaraq qeyd olunsa da, bu tarixdə baş verən bir hadisə cəmiyyətdə böyük narazılıq doğurub. Hamilə itin döyüldükdən sonra hündürlükdən atılması ilə bağlı görüntülər sosial mediada geniş yayılıb və bu, heyvanlara qarşı qəddar rəftara görə qanunvericilikdə nəzərdə tutulan cəzaların yetərliliyi məsələsini gündəmə gətirib. Bəs Azərbaycanda belə hallara qarşı hansı cəzalar tətbiq olunur?

Qanunvericilikdəki boşluqlar və cəzalar

Vəkil Turan Abdullazadə Baku.ws-a danışaraq bildirib ki, Azərbaycanda heyvanlara qarşı qəddar rəftar əsasən İnzibati Xətalar Məcəlləsinin 274-cü maddəsi ilə tənzimlənir. Bu maddəyə əsasən, heyvanlara zorakılıq, xəsarət yetirmək və ya digər şəkildə əziyyət vermək inzibati xəta sayılır və 500 manatdan 2 000 manatadək cərimə ilə cəzalandırılır. Lakin bu əməllər hələ də yalnız inzibati məsuliyyət doğurur və Cinayət Məcəlləsində müstəqil maddə yoxdur.

Vəkil əlavə edir ki, inkişaf etmiş ölkələrdə bu cür əməllər cinayət sayılır və daha ciddi cəzalar tətbiq edilir. Azərbaycanda isə bu sahədə qanunvericilikdə boşluqlar mövcuddur, xüsusilə də təkrarlıq amili nəzərə alınmır.

ƏLAQƏLİ

Bunu da oxu

Xarici turizmə maraq azalır: Ekspertlər üç əsas səbəbi açıqladılar

11.10.2026 - 15:24

Heyvan müdafiəçisi Aqşin Məmmədov isə qeyd edir ki, heyvanlara qarşı zorakılığın qarşısını almaq üçün dövlətin məsuliyyətini artırması vacibdir. O, bu sahədə könüllülərin üzərinə düşən yükün çox olduğunu vurğulayır və dövlət qurumlarının məsuliyyətlərini tam şəkildə yerinə yetirmədiyini bildirir.

Mütəxəssislər hesab edir ki, heyvanlara qarşı zorakılıq yalnız heyvanların müdafiəsi məsələsi deyil, həm də cəmiyyətin təhlükəsizliyi baxımından əhəmiyyətlidir. Qanunlar elə işləməlidir ki, insan heyvana qarşı zorakılığın ciddi nəticələrə səbəb olacağını əvvəlcədən bilsin.