“Çelsi”dən ikiqat maaş TƏKLİFİ

İngiltərənin “Çelsi” klubu futbolçusu Antonio Rudigerə yeni müqavilə təklif edib.

Minval.info bildirir ki, Apasport.az saytının məlumatına görə, London təmsilçisi almaniyalı müdafiəçi ilə sözləşməni uzatmaq niyyətindədir.

Premyer Liqa klubu Rudigerə maaşının ikiqat artırılmasını vəd verib. Bir il əvvəl klubun onu satmaq istəməsindən narazı qalan Antonio getmək fikrindən əl çəkmir.

“Real” və PSJ-nin maraq dairəsində olan almaniyalı bu iki klubdan birinə keçmək istəyir. Lakin “Çelsi”nin almaniyalı baş məşqçisi Tomas Tuxel futbolçu ilə şəxsən danışıb onu razı salmağa çalışacaq.

Qeyd edək ki, Rudigerin müqaviləsi mövsümün sonunda başa çatacaq.