Sosial şəbəkələrdə böhtan və təhqirə məruz qalanlar nə etməlidir?

Mündəricat

XƏBƏRİN VİDEOSU

Baku.ws-ın məlumatına görə, sosial şəbəkələrdə böhtan və təhqirə məruz qalan şəxslərin hüquqlarının müdafiəsi ilə bağlı əhəmiyyətli məsələlərə aydınlıq gətirilib. Bakı şəhəri Xətai Rayon Məhkəməsinin hakimi Fuad Axundov bu mövzuda açıqlamalar verib.

Hakim Fuad Axundov bildirib ki, böhtan və təhqirlə bağlı xüsusi ittiham qaydasında şikayətlər yazılı şəkildə aidiyyəti birinci instansiya məhkəməsinə təqdim olunmalıdır. Bu şikayətlər, ümumiyyətlə, cinayətin törədildiyi yer üzrə məhkəmədə baxılır. Məsələn, təhqir kütləvi çıxış zamanı edilibsə, şikayət həmin ərazi üzrə səlahiyyətli məhkəməyə verilməlidir.

F. Axundov əlavə edib ki, media və internet informasiya ehtiyatlarında yayılan böhtan və təhqirlərlə bağlı məhkəmə aidiyyəti xüsusi qaydalarla müəyyən edilir. Əgər məlumatın yayıldığı platformanın hüquqi ünvanı məlumdursa, məhkəmə aidiyyəti həmin ünvan nəzərə alınaraq müəyyən edilir. Əks halda, şikayət məlumatı yayan şəxsin Azərbaycandakı sonuncu yaşayış yeri üzrə məhkəməyə müraciət edilməlidir.

Bu şəxslərə də vəfat edəndə dəfn pulu ödənilsin

ƏLAQƏLİ

Bunu da oxu

Bu şəxslərə də vəfat edəndə dəfn pulu ödənilsin

05.11.2026 - 15:14

Hakim sübutların toplanmasının əhəmiyyətini də vurğulayıb. O, mübahisəli paylaşımın mənbəyi və məzmununun qorunmasının vacib olduğunu bildirib. Məhkəmə təqdim edilən sübutların həqiqiliyini və mənbəyini yoxlayır.

Fuad Axundov qeyd edib ki, xüsusi ittiham qaydasında şikayətin forma və məzmununa dair tələblər Azərbaycan Respublikası Cinayət-Prosessual Məcəlləsində müəyyən edilib. Şikayətdə müraciət edən şəxsin və barəsində şikayət edilən şəxsin bütün zəruri məlumatları göstərilməli, dəqiq ifadələr qeyd olunmalıdır.