Ekspert: Dövlət idarəçiliyinin rəqəmsallaşdırılması rəqabəti artırır
Dövlət idarəçiliyinin rəqəmsallaşdırılması artıq təkcə texnoloji inkişaf məsələsi deyil, həm də iqtisadi amil kimi ön plana çıxır. Baku.ws xəbər verir ki, iqtisadi ekspert Azad Həsənov Azərbaycanın BMT-nin Elektron Hökumətin İnkişafı İndeksindəki irəliləyişini şərh edərkən bu fikirləri səsləndirib. Azərbaycan bu indeksdə 74-cü yerdən 38-ci yerə yüksəlib.
Həsənov bildirib ki, dövlət xidmətlərinin operativ və şəffaf olması, məlumat mübadiləsinin səmərəli təşkili biznesin dövlətlə qarşılıqlı əlaqəsini asanlaşdırır. Bu da öz növbəsində şirkətlərin məhsuldarlığını, ölkənin investisiya cəlbediciliyini və milli iqtisadiyyatın rəqabət qabiliyyətini artırır.
Ekspert vurğulayıb ki, Azərbaycanın rəqəmsal hökumətin inkişafında əldə etdiyi uğur, uzun illər ərzində həyata keçirilən ardıcıl dövlət siyasətinin nəticəsidir. Rəqəmsal transformasiya 2003-cü ildən başlayaraq “Elektron Azərbaycan” proqramları, ASAN xidmət və “myGov” platforması kimi layihələrlə inkişaf etdirilib.
ƏLAQƏLİ
Azərbaycanlıların avtomobil seçimi dəyişir: hansı markalara maraq artır?
Azad Həsənov əlavə edib ki, BMT reytinqində ilk 40 ölkə sırasına daxil olmaq hədəfi bu ilin yayında elan edilmişdi və artıq bu hədəfə nail olunub. Növbəti məqsəd isə ilk 30 ölkə sırasına daxil olmaqdır. Bu da ölkənin rəqəmsal idarəetmə modelini daha da təkmilləşdirmək niyyətini göstərir.
Ekspertin fikrincə, rəqəmsallaşmanın iqtisadi təsiri IT sektorunun hüdudlarından kənara çıxaraq, ümumi iqtisadiyyatın effektivliyini artırır. Kiçik və orta bizneslər üçün bu təsir daha nəzərəçarpandır, çünki onların resursları məhdud olur və rəqəmsallaşma bu resursların daha səmərəli istifadə edilməsinə şərait yaradır.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Azərbaycanlıların avtomobil seçimi dəyişir: hansı markalara maraq artır?
Avropa İttifaqı və İndoneziya arasında azad ticarət müqaviləsi imzalandı
AB texnologiya nəhənglərinə vergi tətbiq etməyi planlaşdırır
PAŞA Holding COP-da iştirakının əhəmiyyətini açıqlayır
Lufthansa maliyyə itkiləri səbəbindən min işçini ixtisar edir
Bakıda söküntülər başlayır: torpaq və həyət evləri bahalaşacaq