Bütün dünyanı heyrətləndirən türk tələbə — Planetin ən qədim rəngini tapdı

Avstraliyada doktorluq elmi dərəcəsi almaq üçün təhsil alan türk tələbə yeni kəşfə imza atıb.

“Ölkə.Az” xəbər verir ki, Nur Güreli 1.1 milyard il əvvələ aid bakteriyaları analiz edərkən dünyanın ən qədim rəngini tapıb.

Afrikanın Mavritaniya dövlətində 10 il əvvəl Böyük Səhrada yerin bir neçə yüz metr dərinliyində dəniz qayaları tapılmışdı. Nur Güneli də qayaların bir qismini tədqiq edib. Toz halına gətirilən qayalarda 1.1 milyard il əvvələ aid bakteriyalardan qalma çəhrayı rəng piqmentləri tapılıb. Beləcə tarixin ən qədim rənginin çəhrayı olduğu üzə çıxıb.