Orxan Əliyev SOCAR-da yeni vəzifəyə təyin edildi

SOCAR-ın törəmə şirkəti olan “SOCAR UPSTREAM Management International” MMC-də yeni kadr təyinatı həyata keçirilib. Şirkətin baş direktoru Rövşən Nəcəf tərəfindən imzalanan əmrə əsasən, Orxan Əliyev “Upstream” portfeli üzrə İnsan Resursları Direktoru vəzifəsinə təyin edilib.

Minval.info xəbər verir ki, Orxan Əliyev bu təyinata qədər “Bahar Energy” əməliyyat şirkətində İnsan Resursları üzrə Direktor vəzifəsində çalışıb. Yeni vəzifəsində o, şirkətin “Upstream” portfeli üzrə insan resursları siyasətinin formalaşdırılması və idarə olunmasına cavabdeh olacaq.