Şəkidə faciə: İki gənc həyatını itirdi

Şəki yaylasında baş verən faciəvi qəza nəticəsində iki gənc həyatını itirib. Həlak olanlardan biri, 1999-cu il təvəllüdlü Ucal Bayramovun atası, Azərbaycan Universitetinin müəllimi Asif Bayramov, oğlunun itkisi ilə bağlı dərin kədərini ifadə edib. “Dağ boyda oğul itirmişəm”, – deyə o, qısa açıqlamasında bildirib.

Minval.info xəbər verir ki, hadisə zamanı 1995-ci il təvəllüdlü Məmmədzadə Coşqun Ceyhun oğlu da həyatını itirib. Şəki Rayon Prokurorluğunda Cinayət Məcəlləsinin 314.3-cü maddəsi (iki şəxsin ölümünə səbəb olan səhlənkarlıq) üzrə cinayət işi başlanıb və ibtidai istintaq aparılır.