Zibil qutusundan zirvəyə: Atılmış körpələrin heyrətamiz uğur hekayələri
Həyatlarına zibil qutusunun kənarında, qaranlıq küçələrdə və ya soyuq zirzəmilərdə başlayan uşaqların bəziləri illər sonra milyonçu, ixtiraçı və hüquq müdafiəçisi kimi tanınıb.
Minval.info xəbər verir ki, bu uşaqların arasında ən tanınmışlardan biri amerikalı texnologiya sahibkarı Freddi Figgersdir. 1989-cu ildə Floridada doğulan Freddi, zibil qutusunun yanında tərk edildikdən sonra təsadüfən bir şəxs tərəfindən tapılıb və polisə xəbər verilib. Daha sonra Natan və Betti Figgers tərəfindən övladlığa götürülən Freddi, məktəb illərində “zibil qutusu körpəsi” olaraq lağ edilsə də, bu damğanın gələcəyini müəyyənləşdirməsinə imkan verməyib. Doqquz yaşında xarab kompüteri təmir edən Freddi, 15 yaşında ilk şirkətini qurub və atasının Alzheimer xəstəliyi səbəbindən hazırladığı GPS qurğulu ayaqqabını milyonlarla dollara satıb.
Morgan Hill isə doğulduğu gün plastik torbada zibil qutusuna atılıb. Tibb işçiləri tərəfindən “Meri Qreys” adlandırılan bu qız, sonradan övladlığa götürülüb və təhlükəsiz təslimetmə qanunlarının fəal müdafiəçisinə çevrilib. O, valideynlərin istəmədikləri körpələri təhlükəsiz və qanuni şəkildə aidiyyəti qurumlara təhvil verməsinin vacibliyini vurğulayır.
ƏLAQƏLİ
Kürk mantolar arasında 40 il saxlanılan tablo 4,9 milyon dollara satıldı
Azərbaycanda da oxşar hadisələr yaşanıb. 2021-ci ildə Sumqayıtda zibil atarkən körpə səsi eşidən sakin, vaxtından əvvəl doğulduğu ehtimal edilən bir qızı xilas edib. Körpə Perinatal Mərkəzə yerləşdirilib və vəziyyətinin yaxşı olduğu bildirilib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Kürk mantolar arasında 40 il saxlanılan tablo 4,9 milyon dollara satıldı
Əməliyyatdan sonra qəribə hadisə: İki ildir insanları pişik sifətində görür
Eyni qadını sevən və eyni ürəyi paylaşan iki adamın heyrətamiz hekayəsi
19 yaşlı gənc öz istehsalı ilə Guinness Rekordlar Kitabına düşdü
Tarkan bu dəfə COP üçün oxudu - Video
Britaniya Kitabxanası Agata Kristinin sirli dünyasını araşdırır
Coni nadir xəstəlikdən əziyyət çəkir?