Bakının metro xəritəsi dəyişir: 2030-cu ilə qədər 9 yeni stansiya gəlir!

Bakıda 2030-cu ilə qədər 9 yeni metro stansiyasının inşası planlaşdırılır. Bu barədə məlumatı Bakı Metropoliteninin mətbuat xidmətinin rəhbəri Bəxtiyar Məmmədov verib.

Minval.info xəbər verir ki, Məmmədovun sözlərinə görə, ‘Bənövşəyi’ xətt üzrə 5, ‘Yaşıl’ xətt üzrə isə 4 stansiyanın tikintisi nəzərdə tutulur. Hazırda bu layihə ilə bağlı danışıqlar aparılır və yaxın zamanda tikinti işləri üzrə müsabiqə elan ediləcək. Müsabiqənin qalibləri müəyyən edildikdən sonra tikinti işlərinə başlanacaq. Tikintinin gələn ildən start götürməsi və 2030-cu ilə qədər tamamlanması planlaşdırılır.