Bakıda sabah hava 39 dərəcəyə çatacaq

Bakıda və Abşeron yarımadasında avqustun 1-də hava şəraitinin yağmursuz keçəcəyi proqnozlaşdırılır. Havanın temperaturu gündüz saatlarında 31-36° arasında dəyişəcək, lakin bəzi yerlərdə 39°-ə qədər yüksələ bilər.

Minval.info xəbər verir ki, gecə saatlarında temperatur 22-25° arasında olacaq. Şimal-qərb küləyinin gündüz saatlarında şimal-şərq küləyi ilə əvəz olunacağı gözlənilir. Atmosfer təzyiqi 769 mm civə sütunu, nisbi rütubət isə gecə 70-75%, gündüz 50-55% təşkil edəcək.

Azərbaycanın digər bölgələrində də hava əsasən yağmursuz keçəcək. Lakin bəzi dağlıq ərazilərdə qısamüddətli az yağış və şimşək çaxması ehtimalı var. Gecə və səhər saatlarında bəzi yerlərdə duman müşahidə edilə bilər. Şərq küləyi əsəcək. Havanın temperaturu gecə 22-26°, gündüz 34-39° arasında dəyişəcək, dağlıq ərazilərdə isə gecə 15-20°, gündüz 23-28° olacaq.