Bakıda “Baksol” adlanan avtomobil yolu təmir edilir

Azərbaycan Avtomobil Yolları Dövlət Agentliyi Bakının Binəqədi rayonunun M.Ə. Rəsulzadə qəsəbəsi üzrə “Baksol” yolu adlanan avtomobil yolunda tikinti işlərinə başlayıb.

“Report” xəbər verir ki, bu barədə Agentlik məlumat yayıb.

Məlumata görə, uzunluğu 3,21 kilometr, eni 12 metr olan yolda hazırda yeni səki daşlarının düzülməsi üçün hazırlıq işləri aparılır.

Təmir-tikinti işləri çərçivəsində yolboyu köhnə asfalt beton örtüyünün frezlənməsi, zəruri yerlərdə əsasın deformasiyaya uğramış hissələri qazılaraq kənarlaşdırılması, əks-dolğu və yeni asfalt örtüyünün döşənməsi işləri görüləcək.

Agentlik tərəfindən 2021-ci ildə Binəqədi rayonu üzrə 15,4 kilometr uzunluğa malik küçə təmir edilib.

https://youtu.be/KIWWoKAR6zQ