Bakıda azyaşlı oğlana təcavüz edən şəxslə bağlı qərar verildi

Bakı Apellasiya Məhkəməsində azyaşlı uşağa qarşı seksual xarakterli hərəkətlər etməkdə təqsirləndirilən 1986-ci il təvəllüdlü E.Ə.-nin barəsində olan hökmdən verilən apellyasiya şikayəti üzrə məhkəmə iclası yekunlaşıb.

Oxu.Az xəbər verir ki, hakim Həsən Əhmədovun sədrliyi ilə keçirilən prosesdə qərar elan olunub.

Qərara görə, E.Ə.-nin apellyasiya şikayəti təmin edilməyib.

Gəlinini bıçaqlamaqda ittiham olunan şəxs təcridxanada vəfat etdi

ƏLAQƏLİ

Bunu da oxu

Gəlinini bıçaqlamaqda ittiham olunan şəxs təcridxanada vəfat etdi

28.09.2026 - 16:25

İttiham aktına əsasən, E.Ə. səkkiz yaşlı oğlan uşağına qarşı seksual xarakterli hərəkətlər edib. O, məhəllədə oynayan azyaşlını aldadaraq, naməlum istiqamətdə aparıb. Onun bu əməli nəzarət kameraları tərəfindən lentə alınıb.

Azyaşlının valideyninin hüquq-mühafizə orqanları əməkdaşlarına şikayətindən sonra E.Ə. saxlanılıb və o, əməlindən peşman olduğunu deyib. O, hadisəni törədən zaman içkili olub.
E.Ə.-yə qarşı Cinayət Məcəlləsinin 150.3.3-cü (Seksual xarakterli zorakılıq hərəkətləri; təqsirkar şəxs üçün aşkar surətdə on dörd yaşına çatmayan şəxs barəsində törədildikdə) maddəsi ilə ittiham irəli sürülüb.

Bakı Ağır Cinayətlər Məhkəməsinin hökmünə əsasən E.Ə. 10 il müddətinə azadlıqdan məhrum edilib. Hökmdən narazı olan məhkum apellyasiya şikayəti verib.