Bakıda avtobus sürücüsünü döydü, sərnişinin üstünə şığıdı - Video

Bakıda 91 saylı marşrut avtobusunda insident baş verib.

Minval.info AzNews.az-a istinadən xəbər verir ki, dünən axşam saatlarında Avtovağzal-Binəqədi istiqamətində hərəkət edən 91 saylı avtobusda münaqişə yaşanıb.

Təxminən 20-25 yaşlı sərnişin sürücüdən avtobusu dayanacaqdan kənar yerdə saxlamağı tələb edib.

Adil adlı sürücü onun istəyini yerinə yetirməyəndə sərnişin birbaşa sürücünün üstünə yeriyərək təpikləməyə başlayıb.

Avtobusda olan digər sərnişinlər onları ayırmağa çalışsalar da buna nail ola bilməyiblər. Hətta sürücünün üzərinə şığıyan gənc onu sakitləşdirməyə çalışan sərnişinə qarşı fiziki güc tətbiq edib.