Bakıda 13 yaşlı qızın hamilə qalması şok etdi

Bakıda 13 yaşlı qızın hamilə qalması ilə bağlı hadisə baş verib. Bu hadisə nəticəsində 18 yaşlı gənc cinayət məsuliyyətinə cəlb edilib. Məlumata görə, Binəqədi rayonu, Xocasən qəsəbəsində yaşayan və 14 yaşı tamam olmamış Z.Abdulova adlı qızın hamilə olduğu müəyyən edilib. Təəssüf ki, hamiləliyin altıncı ayında qız ölü döl doğub.

Minval.info xəbər verir ki, bu hadisə ilə bağlı polisə məlumat verilib və 18 yaşlı Camal Babayev adlı gənc haqqında cinayət işi açılıb. Məlum olub ki, Camal həmin qızın yaşadığı binanın həyətində meyvə-tərəvəz satışı ilə məşğul olub və onlar arasında münasibət yaranıb. Toplanmış materiallar əsasında C.Babayevə Cinayət Məcəlləsinin 150.3.3-cü maddəsi ilə iş açılıb və məsələ Bakı Ağır Cinayətlər Məhkəməsinə göndərilib.

Məhkəmə prosesində əməldə zorakılıq faktı müəyyən edilməyib. Buna baxmayaraq, C.Babayev 14 yaşına çatmayan şəxslə cinsi əlaqədə olma maddəsi ilə cəzalandırılıb və ona dörd il həbs cəzası verilib.