Bakı metropolitenində yayılan şəkillər barədə - RƏSMİ AÇIQLAMA

Bu gün Bakı metropolitenindən çəkilən fotolar diqqət mərkəzinə düşüb.

Minval.info xəbər verir ki, gənc qızın relslər üzərində dayanaraq poza verməsi və gecə saatlarında “Nəriman Nərimanov” metro stansiyasında olması müzakirələrə yol açıb.

Ardınca isə oxşar foto minval.info-nun redaksiyasına göndərilib. Belə ki, həmin şəkildə biri oğlan, ikisi qız olmaqla 3 gənc yer alıb. Onların da belə foto çəkdirməsi maraq doğrurub.
Minval.info-nun araşdırması nəticəsində bu şəkillərin “Qaynana 2” bədii filminin çəkiliş heyyətinin üzvlərin tərəfindən çəkildiyi bəlli olub.
Eyni zamanda “Bakı Metropoliteni” QSC yaydığı açıqlama da bu fatı təsdiqləyib: “Addım” gənclər təşkilatının müraciəti və “Bakı Metropoliteni” QSC-nin rəhbərliyinin rəsmi icazəsi əsasında “Gənclik» və «Nəriman Nərimanov» stansiyalarında «Qaynana» filminin çəkilişləri aparılıb. Fotokadrlar həmin çəkiliş qrupunun üzvlərindən birinindir.
Çəkiliş gecə saatlarında təmas relsindən gərginlik çıxarıldıqdan sonra aparılıb. Çəkiliş qrupunun üzvləri hər hansı bir təhlükə ilə üz-üzə olmayıb. Çəkiliş normal şəraitdə başa çatıb”.

Dəniz

Minval.info