“Bələdiyyələr bu qanunsuzluğu təkbaşına etməyib”

“Bələdiyyələrin səlahiyyət və məsuliyyətinin dəqiq sərhədləri müəyyən edilməlidir. Çünki hazırda yerli icra və bələdiyyə orqanlarının səlahiyyət və məsuliyyətində qarışıqlıq var. Təyin olunan icra orqanları seçilmiş bələdiyyə orqanlarından daha yüksək səlahiyyətlərə malikdir. Bu da siyasi və idarəetmə məntiqinə uyğun deyil”.

Bu fikirləri Bakupost.az -a açıqlamasında iqtisadçı ekspert Natiq Cəfərli deyib.

Onun sözlərinə görə, bələdiyyələrin adı daha çox qanunsuz torpaq satışı və tikililər məsələsində hallanır. Ancaq unutmaq lazım deyil ki, bələdiyyələr heç vaxt bunu təkbaşına edə bilməz:

ƏLAQƏLİ

Bunu da oxu

Abşeron çimərliklərində küləkli və isti hava gözlənilir

06.09.2026 - 16:09

“Azərbaycanda 14 dövlət orqanı var ki, tikintilərə birbaşa nəzarət etmək funksiyası var. Bələdiyyə günahkardırsa, bəs yerdə qalan orqanlar hara baxırlar? Niyə nəzarət yoxdur? Hesab edirəm ki, əgər səlahiyyət və məsuliyyət bölgüsü dəqiqləşəcəksə, o zaman bələdiyyələrin də məsuliyyəti artacaq. Hazırda bələdiyyələrin qazanc imkanları geniş deyil. Azərbaycanda bələdiyyələrin büdcəsi çox azdır. Büdcə, gəlir yoxdursa, onlar da torpaq məsələsinə fokuslanırlar ki, bu da nəticədə ciddi problemlərə səbəb olur”.