Azərbaycanda özəl şirkətlər dövlətin elektron sənəd sisteminə qoşulacaq

Azərbaycanda özəl şirkətlər dövlətin elektron sənəd sisteminə inteqrasiya olunacaq. Baku.ws-ın “Report”a istinadən verdiyi məlumata görə, bu barədə məlumatı Maliyyə Nazirliyinin Aparatının Müasir Texnologiyalar və innovasiyalar şöbəsinin müdiri Nurlan Soltanov açıqlayıb. O, Bakıda təşkil edilən “Rəqəmsal Maliyyə Ekosistemi: İdarəetmədə Yeni Mərhələ” adlı konfransda çıxış edib.

Nurlan Soltanov bildirib ki, elektron müqavilə sistemi həm dövlət qurumlarına, həm də sahibkarlara fayda gətirir. Bu sistem, təhvil-təslim aktlarının normativ hüquqi aktlarla müəyyən edilmiş müddətdən daha qısa vaxtda hazırlanmasına və proseslərin sürətləndirilməsinə imkan yaradır. Gələn ildən etibarən bu prosesin özəl sektoru da əhatə edəcəyi gözlənilir.

Maliyyə Nazirliyinin təşəbbüsü ilə həyata keçirilən bu prosesdə özəl sektorun nümayəndələrinin də iştirak edəcəyi vurğulanıb. Soltanov qeyd edib ki, məqsəd sahibkarların alışdığı bütün prosesləri dəyişmək deyil, əksinə, mövcud prosesləri daha da sürətləndirməkdir. Məsələn, elektron qaimə-faktura sistemi artıq bir çox dövlət qurumlarında fəal şəkildə istifadə olunur.

ƏLAQƏLİ

Bunu da oxu

Ermənistanın Avropa planı sual altındadır: İxrac çökür, iqtisadi itkilər artır

22.10.2026 - 12:34

Ötən ildən etibarən fəaliyyət göstərən bu sistem vasitəsilə müvafiq əməliyyatlar icra edilir. Ölkədə banklar və digər özəl sahibkarlıq subyektləri də bu proseslərə cəlb olunaraq fəal iştirak edirlər.