Azərbaycanın ticarət dövriyyəsi 30 milyardı keçdi

2026-cı ilin ilk yeddi ayında Azərbaycanın xarici ticarət dövriyyəsi 30 milyard 17 milyon 400 min ABŞ dollarına çatıb. Bu müddət ərzində ölkənin hüquqi və fiziki şəxsləri dünyanın 173 ölkəsi ilə ticarət əməliyyatları həyata keçiriblər. 121 ölkəyə məhsul ixrac edilib, 160 ölkədən isə məhsul idxal olunub.

Minval.info xəbər verir ki, bu dövrdə Azərbaycanın xarici ticarət saldosu 10 milyard 256 milyon ABŞ dolları məbləğində müsbət olub. 2025-ci ilin yanvar-iyul ayları ilə müqayisədə xarici ticarət dövriyyəsi nominal ifadədə 6.9 faiz artıb, lakin real ifadədə 15.1 faiz azalma müşahidə edilib.