Azərbaycanda hərbi qulluqçuların əməkhaqları artırılacaq

Oktyabrın 1-dən etibarən Azərbaycanda hərbi qulluqçuların maaşlarının artırılması planlaşdırılır. Bu məqsədlə dövlət büdcəsindən əlavə 50 milyon manat vəsait ayrılması nəzərdə tutulub.

Minval.info xəbər verir ki, Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramovun verdiyi məlumata görə, artım hərbi qulluqçuların tutduqları vəzifə və daşıdıqları rütbəyə uyğun şəkildə həyata keçiriləcək. Bu, 2026-cı ildə müxtəlif sahələrdəki əməkhaqqı artımlarının davamı kimi qiymətləndirilir.

Daha əvvəl tibb işçilərinin və dövlət qulluqçularının maaşlarında artımlar reallaşdırılıb. Vüqar Bayramov əlavə edib ki, dövlət tərəfindən maliyyələşdirilən qurumlarda çalışanların əməkhaqlarının mərhələli və davamlı şəkildə artırılması prioritet istiqamətlərdən biridir.

ƏLAQƏLİ

Bunu da oxu

Rusiyada maaşlar artır, amma əhalinin maddi vəziyyəti yaxşılaşmır

28.09.2026 - 17:00

Hərbi qulluqçuların maaşlarının yüksəldilməsi onların sosial təminatının yaxşılaşdırılmasına xidmət edəcək. Mövcud büdcə imkanları və 2027-ci il üçün hazırlanan dövlət büdcəsi layihəsi də əməkhaqqı artımlarının gələn il davam etdirilməsi üçün imkanların olduğunu göstərir.

2027-ci ildə sosial istiqamətlər üzrə 17 milyard manatdan çox vəsaitin ayrılması planlaşdırılır. Bu da sosial ödənişlər və əməkhaqları ilə bağlı artımların növbəti ildə də mərhələli şəkildə davam etdirilə biləcəyini göstərir.