Azərbaycanlı milyarderlərin obyektində axtarış - Mühasirəyə alınıb
Minval.info // Hüquq-mühafizə orqanları Rusiyanın paytaxtı Moskvada “Sadovod” bazarı və “Moskva” ticarət mərkəzində axtarışlar aparır.
Qafqazinfo bildirir ki, bu barədə “İnterfaks”a vəziyyət barədə məlumatlı mənbə məlumat verib.
“Reydlər gecə saat 3 radələrindən Moskvanın cənub-şərqində yerləşən “Sadovod” bazarı və “Moskva” ticarət mərkəzində aparılır. Obyektlər mərkəzi polis və Miqrasiya Polisinin əməkdaşları tərəfindən mühasirəyə alınıb”,- deyə mənbə bildirib.
Onun sözlərinə görə, reydlərə səbəb ya ötən gün paytaxt ərazisində miqrantlarla baş vermiş qarşıdurma, yaxud da bazarların ərazisində kriptovalyuta fermaların mövcudluğu ola bilər.
Qeyd edək ki, “Sadavod” bazarı Azərbaycan əsilli milyarderlər Qod Nisanov və Zarah İliyevin sahib olduğu “Kiyevskaya Ploşad” şirkətinin balansındadır. MDAY (Moskva Dairəvi Avtomobil Yolu) kənarında yerləşən bazar Rusiyanın ən iri topdan-pərakəndə satış mərkəzlərindən sayılır.
Bazar 40 hektardan çox ərazini əhatə edir. Orada geyim, uşaq malları, ov-balıqçılıq ləvazimatları, turizm məhsulları, gül-çiçək, bağ-həyət ləvazimatları və s. satan səkkiz mindən çox pavilyon fəaliyyət göstərir.
“Tass” hüquq-mühafizə orqanlarına istinadən yazır ki, polis obyektlərdə aparılan operativ axtarışlardan sonra onlarla miqrantı saxlayıb. Saxlanılan şəxslər ölkədə asayişi pozmaqda və cinayət törətməkdə şübhəli bilinirlər.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Sabahdan bəzi yerlərdə leysan yağacaq
Xocavəndin iki kəndində qazlaşdırma işlərinə start verilib
Məktəb mədrəsə deyil, öz qaydaları var
İlqar Fəhmi məktəbli forması qərarını dəstəkləyir: Zərurət var
Əməkdar jurnalist Məhəbbət Mirzəyeva vəfat etdi
Məktəbdə qalmaqal: yüksək bal toplayan müəllim niyə kənarda qaldı?
