Azərbaycanda 4010 nəfər COVID-19-a yoluxub, 41 nəfər vəfat edib

Azərbaycanda koronavirus (COVID-19) infeksiyasına 4 010 yeni yoluxma faktı qeydə alınıb, 2 898 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 41 nəfər vəfat edib.

İndiyədək ölkədə ümumilikdə 417 996 nəfərin koronavirus infeksiyasına yoluxması faktı müəyyən edilib, onlardan 361 128 nəfər müalicə olunaraq sağalıb, 5 553 nəfər vəfat edib. 51 315 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 16 536, bu günə qədər isə ümumilikdə 4 431 053 test icra olunub.