Azərbaycan güləşçiləri dünya çempionatının hazırlıqlarına başlayıb

Yunan-Roma güləşi üzrə Azərbaycan millisi avqustun 26-da növbəti təlim-məşq toplanışına start verib.

Federasiyadan “MİNVAL.İNFO”a verilən məlumata görə, Olimpiya Güləş Mərkəzində təşkil olunan hazırlıq prosesi sentyabrın 8-dək davam edəcək.

ƏLAQƏLİ

Bunu da oxu

Yamal: "Qələbə qolunun əsasını mən qoydum

19.09.2026 - 14:29

Toplanış qarşıdan gələn dünya çempionatına hazırlıq xarakteri daşıyır. Baş məşqçi Aleksandr Tarakanov, böyük məşqçi Rövşən Bayramov və məşqçilər Akif Əliyevlə Həsən Əliyevin rəhbərliyi altında baş tutan məşqlər gündə 2 dəfə olmaqla keçirilir. Məşqçilər korpusu yalnız çərşənbə və şənbə günləri bir məşqlə kifayətlənir.

Qeyd edək ki, dünya çempionatı oktyabrın 2-dən 10-dək Norveçin paytaxtı Osloda keçiriləcək.