Azərbaycan ABŞ-a uduzdu, Gürcüstana qalib gəldi

Batumidə keçirilən Ümumdünya Şahmat Olimpiadasında səkkizinci turun görüşləri baş tutub.

Oxu.Az xəbər verir ki, kişilərdən ibarət Azərbaycan millisi ABŞ komandasına 1,5:2,5 hesabı ilə uduzub.

Şəhriyar Məmmədyarovla Rauf Məmmədov rəqiblərinə uduzublar, Arkadi Naydiç isə heç-heçə edib. Yalnız Teymur Rəcəbov qalib gələ bilib.

Bununla da ABŞ yığması 15 xalla vahid liderə çevrilib. Azərbaycan komandası isə 13 xalla üçüncü yerdədir.

Azərbaycanın qadınlardan ibarət şahmat yığması isə Gürcüstan kollektivini məğlub edib – 2,5:1,5.

Minval.İnfo