İraq nefti yeni marşrutla Suriyaya daşınır

İraq, ABŞ və İsrailin hücumları nəticəsində İranın Hörmüz boğazını bağlamasından sonra neft ixracında yeni marşrutlar axtarışına çıxıb. Bu çətin vəziyyət İraqı, neftini quru yolu ilə Suriyanın Banyas neft terminalına daşımağa məcbur edib.

Minval.info xəbər verir ki, İraq son aylarda 15 ildən sonra ilk dəfə olaraq xam nefti quru yolu ilə tankerlərlə Suriyanın Banyas terminalına çatdırmağa başlayıb. İraq və Suriya arasında əldə olunan razılaşmaya əsasən, yüzlərlə neft tankeri Suriyanın Tartus şəhərində yerləşən Banyas terminalına çatdırılır. Burada xam neft tankerlərdən neft gəmilərinə yüklənərək dəniz yolu ilə ixraca göndərilir.