Aytən Səfərova Zığdakı antisanitar vəziyyətə etiraz etdi

Aparıcı Aytən Səfərova Bakının Zığ qəsəbəsindəki antisanitar vəziyyətdən narazılığını bildirib. Publika.az xəbər verir ki, aparıcı 65 saylı məktəbin arxasında yerləşən stadionun ətrafında çəkiliş edərək sosial şəbəkədə paylaşım edib. O, ərazinin sakinlər tərəfindən zibillənməsinə sərt reaksiya verib.

Səfərova bildirib ki, hər dəfə bu ərazidən keçəndə qadınların və kişilərin zibili oraya atdığını görür. “Hər yerdə təmizlikdən danışan qadınlar, kişilikdən danışan kişilər… İnsan olun! Hərə evindən çıxanda avtobus dayanacağına gedir, əlindəki zibili atıb gedir. Ayıb olsun!” – deyə o, vurğulayıb.

Aytən Səfərova həmçinin bələdiyyədə işləyən qadınların kiminsə anası və ya bacısı olduğunu qeyd edərək, onların bu zibilləri yığışdırmaq məcburiyyətində qaldığını bildirib. “Ayıbdır!” – deyə o əlavə edib. Səfərova divarlara söyüş yazanları da tənqid edərək, belə davranışların qəbulolunmaz olduğunu bildirib.

ƏLAQƏLİ

Bunu da oxu

Bakıda 100 ildən çox yaşı olan binaların yerləşdiyi ərazilər

30.10.2026 - 15:14