Antalyada 38 meşə yanğını nəzarətə alındı

Antalyada son iki gün ərzində 38 meşə yanğını qeydə alınıb. 29-30 avqust tarixlərində baş verən bu yanğınlardan 14-ü meşəlik ərazilərdə, 24-ü isə meşəlik ərazilərə yaxın açıq sahələrdə meydana gəlib. Alovlarla mübarizə həm havadan, həm də qurudan effektiv və koordinasiyalı şəkildə aparılıb.

Minval.info xəbər verir ki, yanğınların hamısı nəzarət altına alınıb. Yanğınların təsir etdiyi ərazilər əsasən Alanya (Obaalacami, Beldibi, Fakırcalı, Dim, Uzunöz), Aksu (Topallı), Muratpaşa (Güzeloba), Kaş (Palamut, Yeşilköy), Manavqat (Güzelyalı, Düzağaç), Serik (Akbaş) və Beydiğin (iki ayrı nöqtə) bölgələrində olub. Kepez, Kumluca, Elmalı, Gazipaşa, Kaş və Konyaaltı bölgələrində isə açıq sahələrdə yanğınlar baş verib.

Görülən operativ tədbirlər nəticəsində fəlakətin daha da böyüməsinin qarşısı alınıb.