Anım Günü münasibətilə vətəndaşlara pulsuz hüquqi yardım göstərildi

27 Sentyabr – Anım Günü münasibətilə Azərbaycan Vəkillər Kollegiyası tərəfindən ölkə üzrə pulsuz hüquqi yardım aksiyası həyata keçirilib. Bu aksiya çərçivəsində vətəndaşlara müxtəlif hüquqi məsləhətlər verilib.

Minval.info xəbər verir ki, sentyabrın 25-də “Pro Bono”, “Mərkəz”, Bakı şəhərindəki 5, 10, 11, 19 və 20 saylı vəkil büroları, eləcə də Gəncə, Şirvan və Mingəçevir şəhərlərindəki vəkil büroları tərəfindən bu tədbir təşkil edilib.

Aksiyada vətəndaşların müraciətləri əsasən cinayət, inzibati işlər, mülkiyyət hüququ, hüquqi faktların müəyyənləşdirilməsi, pensiya təminatı, kredit mübahisələri və mənzil təminatı kimi sosial məsələlərə yönəlib.

ƏLAQƏLİ

Bunu da oxu

Siqaret çəkənlər üçün yeni cərimələr təyin edilib

28.09.2026 - 16:32

Bundan əlavə, sakinlərə hüquqi sənədlərin tərtibi və davamlı hüquqi yardımın göstərilməsi istiqamətində dəstək verilib. Aksiyada ümumilikdə 80 vətəndaşa hüquqi məsləhətlər təqdim olunub, müvafiq yazılı ərizələr hazırlanıb.