Ali məhkəmədən podrat müqavilələrinə dair yeni qərar: Hüquqi yanaşmada hansı yeniliklər var?

Azərbaycan Ali Məhkəməsi podrat müqavilələrindən doğan mübahisələrin həlli prosesində qanunvericiliyin düzgün tətbiqini təmin etmək və bu sahədə hüquqi yanaşmanın sabitliyini qorumaq məqsədilə yeni bir Plenum Qərarı qəbul edib.

Minval.info xəbər verir ki, bu qərar çərçivəsində podrat müqavilələrinin digər mülki-hüquqi müqavilələrdən fərqləndirici xüsusiyyətləri müəyyən edilib. Eyni zamanda, kommersiya subyektləri üçün podrat müqavilələrinin forma tələbləri aydınlaşdırılıb və “Dövlət satınalmaları haqqında” qanunun tələblərinə əməl edilməməsinin mülki-hüquqi nəticələri, istehlak podratının və çoxmənzilli binaların tərkib hissəsinə dair podrat müqavilələrinin xüsusiyyətləri təhlil edilib.

Ali Məhkəmənin Plenumu, həmçinin, 2027-ci ilin 1 yanvar tarixindən 2028-ci ilin 1 yanvar tarixinədək kommersiya məhkəmələri və apellyasiya instansiyalarında baxılan işlərin monitorinqinin aparılmasını qərara alıb. Bu monitorinq Bakı şəhəri üzrə rayon məhkəmələri və Bakı Apellyasiya Məhkəməsində də həyata keçiriləcək.