Təhsildə Keyfiyyət Təminatı Agentliyinin İdarə Heyətinin sədri Eldar Orucov vəzifəsini azad edilib, Nazirlikdə yeni vəzifəyə təyin edilib.
Minval.info xəbər verir ki, bununla bağlı əmri Agentliyinin nizamnaməsinə əsasən Təhsil naziri Emin Əmrullayev imzalayıb.
Eldar Orucov, 2021-ci ilin dekabrından etibarən Təhsil Nazirliyinin Aparat rəhbərinin müavini vəzifəsində çalışacaq.
E.Orucov 2021-ci ilin yanvarından Təhsildə Keyfiyyət Təminatı Agentliyinin İdarə Heyətinin sədri təyin edilmişdi.
Bundan öncə isə Təhsil Nazirliyində, “Kapital Bank” ASC-də, “Express Bank” ASC-də şöbə müdiri və audit meneceri vəzifələrində çalışıb.