77 yaşlı anasını boğub meyiti yandırdı - Azərbaycanda dəhşət - Təfərrüat

Bakıda dəhşətli qətl hadisəsi baş verib.

Minval.info-nun Trend-ə istinadən məlumatına görə, hadisə paytaxtın Sabunçu rayonunda qeydə alınıb.

Rayonun Nardaran qəsəbəsi, Bağ massivi, ev 242-də yaşayan Bağırov Tahir Cəfər oğlu yaşadığı evdə anası, 1942-ci il təvəllüdlü Bağırova Rübabə Cəbrayıl qızı ilə şəxsi münasibətlər zəminində mübahisə edib.

Mübahisə nəticəsində T.Bağırov anasını boğaraq öldürüb.Qadının öldüyünə əmin olan oğul anasının meyitinin üzərinə ağ neft tökərək yandırıb.

Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.

Oxu.az-ın məlumatına görə, istintaq zamanı müəyyən olunub ki, ana və oğul arasında münaqişə olub. Məlumdur ki, oğul anasından yaşadıqları torpağın 4-5 sotunu satmaq üçün razılıq istəyirdi. Lakin R.Bağırova razı olmayıb. Bundan qəzəblənən T.Bağırov amansız cinayəti törədib.

Minal.info