69 yaşlı qadının virtual sevgisi: İki dəfə eyni tələyə düşdü

Krasnoyarsk diyarında yaşayan 69 yaşlı qadın, internet üzərindən tanış olduğu şəxslər tərəfindən bir il ərzində iki dəfə aldanıb.

Minval.info xəbər verir ki, Rusiya Daxili İşlər Nazirliyinin regional idarəsi bu barədə məlumat yayıb. Yeniseysk şəhərində yaşayan qadın, iyul ayında miqrasiya şöbəsinə müraciət edərək bir amerikalıya aşiq olduğunu və “nişanlısı” üçün vətəndaşlıq sənədlərinin hazırlanmasına kömək istədiyini bildirib.

Miqrasiya müfəttişi vəziyyətdən şübhələnərək qadının evinə gedib və onun uzun müddətdir fırıldaqçılar tərəfindən psixoloji təsir altında saxlanıldığını aşkar edib. Polis əməkdaşı qadını pul köçürməməyə inandıraraq ona kiberdələduzluq təhlükələri barədə məlumat verib.

ƏLAQƏLİ

Bunu da oxu

Tulin Ələkbərova və tələbəsi azadlığa buraxıldı

01.09.2026 - 17:44

Xatırladaq ki, həmin qadın fevral ayında özünü ingiltərəli kimi təqdim edən bir şəxsin “virtual sevgisi”nə inanaraq başqa bir fırıldaqçıya 40 min rubldan (təxminən 750 manat) çox pul köçürmüşdü.