Zabratda ailə faciəsi: Ərini bıçaqla qətlə yetirdi

Sabunçu rayonunun Zabrat qəsəbəsində yerləşən fərdi yaşayış evlərindən birində dəhşətli qətl hadisəsi baş verib. 46 yaşlı Nail Syubayev ailə münaqişəsi zəminində həyat yoldaşı 42 yaşlı Alfina Azizova tərəfindən boğazı bıçaqla kəsilərək qətlə yetirilib.

Minval.info xəbər verir ki, hadisə barədə polisə daxil olan ilkin məlumatda bir nəfərin özünü kəsici alətlə öldürdüyü bildirilmişdi. Lakin hüquq-mühafizə orqanlarının apardığı araşdırmalar nəticəsində qətlin ailədaxili münaqişə səbəbindən törədildiyi müəyyən edilib.

Alfina Azizova polis tərəfindən saxlanılıb və istintaqa cəlb edilib. Hadisə yerindən götürülən kəsici alət sübut kimi təqdim edilib. Nail Syubayevin meyiti isə aidiyyəti üzrə təhvil verilib. Qonşuların bildirdiyinə görə, cütlük spirtli içki aludəçisi olub və mütəmadi olaraq ailədaxili mübahisələr yaşayıblar. Onların iki övladı var.