Yük maşınları Çinarlı kəndində narazılıq yaradır

Quba rayonunun Çinarlı kəndi ərazisində yerləşən və Quba-Bakı magistralı ilə Quba-Xaçmaz yolunu birləşdirən yolda yük maşınlarının hərəkəti yerli sakinlərin narazılığına səbəb olub. Bu ərazidə yük avtomobillərinin hərəkətini məhdudlaşdıran yol nişanları mövcud olsa da, bəzi sürücülər bu qadağaya əməl etmirlər. Sakinlər bildirirlər ki, yük avtomobillərinin hərəkəti həm təhlükə yaradır, həm də yolun sıradan çıxmasına səbəb olur.

Minval.info xəbər verir ki, sakinlər bu vəziyyətdən narazılıqlarını ifadə ediblər. Onlardan biri deyib: “Yük avtomobilləri həddindən artıq çox keçir. Yollar bərbad gündədir. Məktəblilərin gediş-gəlişində problem yaranır, tıxac olur və gecə saatlarında bu yolla hərəkət etmək mümkün olmur.”