Yol qəzası “Sabah”ın oyununun startını gecikdirir: “Orhus”la həyəcan dolu qarşılaşma 21:00-da başlayacaq

Yol qəzası "Sabah"ın oyununun startını gecikdirir: "Orhus"la həyəcan dolu qarşılaşma 21:00-da başlayacaq

Bu gün UEFA Çempionlar Liqasının III təsnifat mərhələsində Danimarkanın “Orhus” və Azərbaycanın “Sabah” komandaları arasında baş tutacaq oyun planlaşdırılan vaxtdan gec başlayacaq.

Minval.info xəbər verir ki, qarşılaşma Bakı vaxtı ilə saat 20:30-da deyil, 21:00-da start götürəcək. Bu gecikməyə Randers şəhərində baş verən yol-nəqliyyat hadisəsi nəticəsində yaranan tıxac səbəb olub. Tıxac səbəbindən komandaları stadiona aparan avtobus gecikib.

Hər iki komandanın start heyətləri artıq müəyyənləşib. “Orhus” komandasında Mads Kristiansen, Kolin Ryosler, Frederik Tinqaqer, Erik Kal, Mikael Anderson, Maqnus Knudsen, Yens Yonsson, Frederik Emmeri, Tobias Bek, Ceyms Boqere, Kristian Arnstad (K) yer alacaq. “Sabah” isə Stas Pokatilov (K), Rəhman Daşdəmirov, Stiv Solvet, Timoteuş Puxaç, Akim Zedadka, İvan Lepiniça, Umarali Raxmonaliyev, Aleksey İsayev, Velko Simiç, Coy-Lens Mikels, Kahim Parris ilə meydana çıxacaq.