Azərbaycanda ödəniş kartlarının sayı sürətlə artır

Azərbaycanda ödəniş kartlarının sayı sürətlə artmaqdadır. Publika.az-ın xəbərinə görə, ölkədə bir ay ərzində kartların sayı 414 min ədəd artaraq 23,4 milyona çatıb. Avqust ayı ilə müqayisədə sentyabrda kartların artım tempi 2,2 dəfə sürətlənib və adambaşına 2,3 kart düşüb.

İqtisadçı Eldəniz Əmirov bu artımın səbəbləri barədə danışıb. O bildirib ki, kartların sayının artmasına səbəb kartdan-karta köçürmə əməliyyatlarına tətbiq edilən limitlərin olmasıdır. İnsanlar bu limitlərdən yayınmaq üçün əməliyyatlarını müxtəlif banklar və kartlar arasında bölüşdürməyə çalışırlar.

E. Əmirov vurğulayıb ki, bu, iqtisadi baxımdan məntiqli davranışdır, lakin əlavə statistika olmadan fakt kimi dəyərləndirilə bilməz. Aktiv kartların sayı, köçürmələrin həcmi və limitə çatan istifadəçilərlə bağlı məlumatlar olduqdan sonra daha dəqiq təhlil aparmaq mümkündür.

ƏLAQƏLİ

Bunu da oxu

14 icra hakimiyyətində milyonlarla manatlıq maliyyə pozuntusu aşkarlanıb

28.10.2026 - 10:14

İqtisadçı, həmçinin əlavə edib ki, beynəlxalq təcrübəyə əsasən, Azərbaycanda adambaşına düşən 2,3 ödəniş kartı qeyri-adi deyil. Məsələn, Çində hər nəfərə orta hesabla 7, avrozonada 2,5, Böyük Britaniyada isə 2,4 kart düşür. Bu baxımdan Azərbaycan Avropa maliyyə bazarları ilə müqayisə edilə biləcək səviyyədədir.