14 icra hakimiyyətində milyonlarla manatlıq maliyyə pozuntusu aşkarlanıb

Publika.az-ın məlumatına görə, Hesablama Palatası tərəfindən 14 yerli icra hakimiyyəti orqanında aparılan təhlil ciddi maliyyə pozuntularını və korrupsiya mexanizmlərini üzə çıxarıb. Bu araşdırma Quba, Tərtər, İmişli, Qusar, Ağcabədi, Zaqatala, Lerik, Şabran, Gədəbəy, Ucar, Cəlilabad rayonları və Mingəçevir, Lənkəran, Şəki şəhərlərini əhatə edir.

“Azpolitika”ya istinadən, həmin icra hakimiyyətlərində yolların təmiri üçün ayrılan milyonlarla manat dövlət vəsaiti qeyri-şəffaf şəkildə xərclənib. İşlərin həcmi süni olaraq şişirdilib və sənədlər işlər bitdikdən sonra saxtalaşdırılıb. Bu səbəbdən ümumilikdə 1 078 610,9 manat artıq ödəniş edilib, lakin bu məbləğ sonradan dövlət büdcəsinə qaytarılıb.

Araşdırma nəticəsində aydın olub ki, bəzi icra hakimiyyətlərində təmir işləri satınalma müqaviləsi bağlandıqdan sonra qısa müddətdə başa çatdırılıb, bu isə tenderlərin formal xarakter daşıdığını göstərir. Eyni zamanda, yolların əsaslı təmirində istifadə edilən qiymətli materiallar qeydə alınmayıb və qanunsuz xərclər smetalara daxil edilib.

ƏLAQƏLİ

Bunu da oxu

Azərbaycanda ödəniş kartlarının sayı sürətlə artır

28.10.2026 - 11:14

Hesablama Palatası, yolların balansa götürülməməsi səbəbindən 23 977 875,5 manat dəyərində yol aktivlərinin mühasibat uçotunda əks olunmadığını bildirib. Bu isə maliyyə hesabatlarının təhrif olunmasına səbəb olub. Palata, aşkar edilən nöqsanlarla əlaqədar zəruri tədbirlərin görülməsi üçün sənədləri aidiyyəti qurumlara təqdim edib və yolların tikintisi sahəsində pərakəndəliyin aradan qaldırılması üçün vahid mexanizmin tətbiqini təklif edib.