Bir ekosistemi Qarabağ sakinləri üçün yeni məşğulluq layihəsinə start verdi

Publika.az xəbər verir ki, Bir ekosistemi Qarabağın bərpası və yenidən qurulmasına verdiyi töhfələri genişləndirərək, doğma yurdlarına qayıdan vətəndaşların peşəkar inkişafını və əmək bazarına inteqrasiyasını dəstəkləyən yeni təşəbbüsə start verib.

Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi (DMA) ilə birgə həyata keçirilən “Qayıt İş 2” layihəsi çərçivəsində Qarabağ sakinləri xüsusi nəzəri və praktiki təlimlərdə iştirak edəcəklər. Təlimlərdən uğurla keçən iştirakçılar real iş mühitində ekosistem daxilində işlə təmin olunacaqlar.

Layihənin əsas məqsədi iştirakçıların peşəkar potensialının inkişafına töhfə vermək, praktiki bacarıqlarını gücləndirmək və məşğulluq imkanlarını genişləndirməkdir. Bu təşəbbüs, həmçinin, Qarabağ və Şərqi Zəngəzur iqtisadi rayonlarına qayıdan vətəndaşların müasir rəqəmsal maliyyə xidmətlərinə çıxış imkanlarını genişləndirir.

ƏLAQƏLİ

Bunu da oxu

Firuzə İbadovanın qızından sərt reaksiya: Artıq yazıb bizi yaralamayın

28.10.2026 - 17:14

Layihəyə Bir ekosisteminin baş ofisində keçirilən tanışlıq görüşü ilə start verilib. İştirakçılar burada ekosistemin iş mühiti, korporativ dəyərləri və komanda mədəniyyəti ilə yaxından tanış olublar.

Qeyd edək ki, ötən il Füzuli şəhərində Milliön və m10 brendlərinin telesatış mərkəzi istifadəyə verilib. Mərkəzdə 20 nəfər Qarabağ sakini çalışaraq vətəndaşlara birbaşa xidmət göstərir.